მასტერ კლასი

სახელოსნო ეკო ხელნაკეთის ბაზაზე 2023 წლიდან ფუნქციონირებს ხელსაქმისა და მეწარმეობის  შემსწავლელი როგორც საბავშვო, ასევე პროფესიონალური კურსები.

​

მსურველები ეუფლებიან  უძველეს ტრადიციულ ხელსაქმეს - თექის დამუშავებას. 

მრავალფეროვანია ამ ხელასქმის მიმართულებები: მშრალი, სველი, კარკასული ტექნიკები, ნუნო ფელტინგი -  ,,ეკო ხელნაკეთში“  ყველა ამ მიმართულებას ეუფლებიან. 

​

სწავლობენ დასამზადებელი პროდუქტის დიზაინის შექმნას, კონსტრუქციულ დაგეგმვას, ფერების, მასალების, ფაქტურების შერჩევა/შეხამებას. 

​

სახელოსნოში გარდა ხელსაქმეზე მუშაობისა, სწავლობენ ხელნაკეთი ნივთის ფასმაჩვენებლის წარმოქმნას, მოგება/ზარალის გამოთვლას, პიარისა და მარკეტინის საწყისებს, საკუთარი ნამუშევრების ბრენდირებას, კამერასთან მუშაობასა და ციფრული კონტენტის შექმნას. 

​

მნიშვნელოვანია გაყიდვების მიმართულებით მიღებული გამოცდილება, რომელიც სასწავლო კურსის აუცილებელი ნაწილია. ადგილობრივად  და ქვეყნის მასშტაბით ორგანიზებულ  ღონისძიებებში ეკო ხელნაკეთის მოსწავლეები გამოფენა/გაყიდვის ფორმატით მონაწილეობენ.  ღია მასტერკლასების დახმარებით სწავლობენ ცოდნის გაზიარებას და თავად ხდებიან სხვა პატარების მასწავლებლები. 

​

ეს უდიდესი გამოცდილებაა როგორც პატარასთვის, ასევე დამწყები მეწარმისთვის - რომელიც გარდა იმისა, რომ ეუფლება ხელობას, სწავლობს, როგორ მოახდინოს თავისი ცოდნის რეალიზაცია.

​

სახელოსნოს ბაზაზე, გარდა სწავლებისა, დაინტერესებული ჯგუფებისთვის გვაქვს 2 საათიანი სამუშაო პროგრამა (ტურისტები, სკოლის მოსწავლეები, ბაღები და სხვ), სადაც ისინი ადგილზე შეძლებენ თექის უსაზღვრო შემოქმედებით პროცესში ჩართვას, გაივლიან ყველა ეტაპს იმისთვის, რომ შეძლონ სრული პროდუქტის დამზადება. 

​

ნებისმიერ მსურველს, ჯგუფსა თუ ორგანიზაციას შეუძლია შეუკვეთოს ეკო ხელნაკეთის სახელოსნოს თექაზე მუშაობის ვორქშოპი, როგორც ერთჯერადი, ასევე ვრცელი, სამდღიანი პროგრამა -  ამ ფორმატით ვთნამშრომლობთ სხვადასხვა საგანმანათლებლო დაწესებულებებთან, არასამთავრობო თუ სამთვრობო, ასევე კერძო ორგანიზაციებთან.

​

2024 წელს ,,ეკო ხელნაკეთის“ სასწავლო სივრცეში  შეიქმნება საბავშო კურსების ახალი მიმართულება - ,,არტ თერაპია“  -  3,5 წლიდან 5 წლამდე პატარებისათვის. აღნიშნული კურსების მთავარი მიზანი  მცირე ასაკის ბავშის ხელის მოტორიკის, სენსორიკის, წარმოსახვითი აზროვნების,  დაგეგმვისა და ჯგუფში მუშაობის უნარების განვითარების ხელშეწყობაა.