პროექტის ფარგლებში იგეგმება ზუგდიდის, სამეგრელოს და კოლხეთის ისტორიასთან დაკავშირებული სუვენირების წარმოების და რეალიზაციის ხელშეწყობა,  რამდენიმე ტურისტულად მომხიბვლელი ადგილის მოწყობა სუვენირების სარეალიზაციოდ,სადაც უცხოელ ტურისტებს და ზუგდიდის სტუმრებს შესაძლებლობა ექნებათ შეიძინონ ავთენტური, კოლხური და მეგრული კულტურის ელემენტებით დამშვენებული სუვენირები. პროექტში ჩართული იქნებიან  ზუგდიდის ტურიზმის კლასტერის წევრები და ზუგდიდში მოღვაწე რეწვის სხვადასხვა ოსტატები, რომელთა გადამზადება და მათთვის სუვენირების დამზადება- რეალიზების სწავლება არის პროექტის ერთ-ერთი მნიშვნელოვანი ასპექტი.

კლასტერში გაწევრიანებული არიან ტურიზმის სფეროში მომუშავე და ხალხური რეწვით დაინტერესებული ადამიანები და საწარმოები, იგეგმება მათი რესურსების განვითარება და გაყიდვადი და მოთხოვნადი სუვენირების სერიის წარმოება, როგორიცაა: მაგნიტები, ბრელოკები (შესაბამისი კონტენტით და დიზაინით), ასევე ადგილობრივი თემატიკის სპეციალური დიზაინით გაფორმებული ადგილობრივი ღვინის, არყის და თაფლის სუვენირული ვერსიები.

 პროექტის მიზანია:

ზუგდიდის, როგორც სამეგრელოს ცენტრის, ტურისტული პოტენციალის ზრდა და ზუგდიდის ტურიზმის კლასტერის გაძლიერება.

​

პროექტის ამოცანებია:

ადგილობრივი მეწარმეებისა და ხალხური რეწვის ოსტატების განვითარების ხელშეწყობა; ზუგდიდის ტურისტული კლასტერი „მოზოჯის“ გაძლერება;

ზუგდიდში სუვენირების წარმოების გაზრდა და მათი სარეალიზაციო რამდენიმე წერტილის შექმნა.

​

რადიო ჩართვის ლინკი- https://www.radioatinati.ge/dilis-charthva/article/84680-stumari-lasha-logua.html?fbclid=IwAR0Za6EnYjm8qj-6teA3N4aLJjsO6EQdo-dmwU4FznJBf2piaAOsVxKIX9k

​

​

​